ავტორიზაცია / რეგისტრაცია სააგენტოს ვებ გვერდები

ღვინის ეროვნული სააგენტოს განცხადება

რთველი

ღვინის ეროვნული სააგენტოს განცხადება
24.10.2022

2022 წლის რთველი წარმატებით სრულდება. მთელი ქვეყნის მასშტაბით, ყურძნის მოსავალი ფაქტობრივად დაბინავებულია. ამ ეტაპისთვის ქვეყნის მასშტაბით 246 ათასამდე ტონა ყურძენი გადამუშავდა. რთველი დასრულებულია რაჭის რეგიონშიც, სადაც 1570 ტონა ალექსანდროულისა და მუჯურეთულის მოსავალია გადამუშავებული. რაჭაში მოსავლის თითქმის 100% - 1 500 ტონამდე კერძო სექტორმა ჩაიბარა. მნიშვნელოვანია აღინიშნოს, რომ 2022 წლის რთველი დროს ყურძნის ძირითადი ნაწილი კერძო სექტორმა ჩაიბარა. 
სახელმწიფოს დაპირება, რომ რთველი ჩაივლიდა ორგანიზებულად და ყველა მევენახე შეძლებდა მოსავლის შეუფერხებლად დაბინავებას, შესრულებულია.  შესაბამისად, არცერთ მევენახეს მოსავალი ჩაუბარებელი არ დარჩება.
რაც შეეხება ცაგერის მუნიციპალიტეტში  გარკვეული ჯგუფების უკმაყოფილებას ყურძნის ფასთან დაკავშირებით, ამის მიუხედავად, ღვინის კომპანიები  შეუფერხებლად განაგრძობენ ყურძნის მიღებას. (კერძო კომპანიები მზად არიან 1კგ ცოლიკაურის ჯიშის ყურძენში გადაიხადონ  3.50 ლარი ხარისხის მიხედვით, რაც ცაგერის მუნიციპალიტეტის იმ სოფლებში, სადაც მოსახლეობა აპროტესტებს ყურძნის ფასს, არის ყველაზე მაღალი შეთავაზება. გასულ წელს ფასი 3 ლარს არ აღემატებოდა). 
ყურძნის ფასს არეგულირებს ბაზარი, სახელმწიფო ფასების რეგულაციაში არ ერევა. აღნიშნული საკითხი მევენახე ფერმერებისა და კერძო სექტორის შეთანხმების საგანია.  
იმ შემთხვევაში, თუ კერძო სექტორის მხრიდან არ იქნება მოთხოვნა აღნიშნული ყურძნის შესყიდვაზე, სახელმწიფო საწარმო „მოსავლის მართვის კომპანია“ მზად არის შეიძინოს მევენახეებისგან ყურძენი, რომ მოხდეს მოსავლის სრულად დაბინავება.

ქართული ღვინო